Го сакам Аеродром
„Во периодот од 60 до 80 тите во поранешна Југославија биле изградени неколку населби по сличен терк и сличен просторен принцип. Нови Загреб, Грбавица- Сараево, а подоцна и Грбавица – Нови Сад, Нов Белград и скопски Аеродром. Сите од овие населби својот лик го имаат задржано до сега, со тоа што саревска Грбавица дури е и обновена по војната во 90-тите. Единствена на која и се заканува губење на својата специфичност – блоковкста поставеност и зелените џебови – е скопски Аеродром. Граѓаните обединети да се спротистават на узурпирањето на постоечкте празнини и со тоа загушување на “маалскиот живот“.“ – Христена Антоновска Јованчева
„Ние сме Карпош 4“ е неформална граѓанска организација која спонтано се појави во летото 2015 г. Организацијата ја сочинуваат жители на Карпош 4 кои беа револтирани од начинот на кој започна постапката за донесување на нов ДУП за општина Карпош. Крајно нетранспаретниот начин на негово носење е на директна штета на жителите а во корист на инвеститорите поради што се организиравме за преземање низа правни акции за остварување на нашите граѓански права во одлучување за најблиската животна околина. Активностите продолжија во најразлични акции против уништувањето на зеленилото, против загадувањето на воздухот како последица на непланска изградба на објекти и намалување на квалитетот на живот. Нашата цел е и преземање на низа акции за информирање граѓаните од населбата за работи од јавен интерес кои имаат право да ги знаат, а кои не се комуницираат преку Општината или медиумите. Она што сакаме да го постигнеме со сите овие активности е јасно да кажеме дека жителите се тие заради кои постои локалната власт, и дека не сакаме повеќе да бидеме неми учесници кога се работи за наши граѓански права и должности!
Ленче Данаиловска
Невена Георгиевска
ENGAGE 